Ноч музеяў, 0+

НОЧ музеяў і нават ДЗЕНЬ музеяў у Дукорскім маёнтку — 16 мая. Гатовыя патрапіць адразу ў дзве эпохі?

ДЗЕНЬ (16-17 мая), 12:00-17:00 БРАМА — XVII-XVIII стст.
Час прыгажосці, час адвагі, час прыгодаў! У воінскім лагеры вас чакаюць:
— гульні і забаўкі ад Пана Жлуктоўскага, воінскія выпрабаванні;
— паказальныя баі;
— работа пікінёрскага дэпо і рэкруцкай кропкі, афіцэрскі стол, адмысловая фотапляцоўка.
Любы ахвотны можа прайсці падрыхтоўку ў воінскім лагеры і атрымаць адзнакі ў пуцявы ліст: пікінёрская справа, настольныя гульні, фехтаванне, паласа перашкод, серсо і шампань.

НОЧ (16 мая), 18:00-22:00 ГАРАДЗІШЧА — IX-X стст.
Сонца хаваецца за гарызонт, на сярэднявечны горад апускаецца ноч. У святле паходняў і кастроў на справе знаёмімся з побытам і заняткамі насельнікаў старога горада.
— экскурсія і расповеды пра жыццё гарадзішча;
— сярэднявечная зброя, двубоі паміж гасцямі, страявая падрыхтоўка капейнікаў;
— адмысловыя пачастункі;
— квэст з падарункамі;
— старадаўнія казкі каля вогнішча;
— пляценне паясоў на пальцах і роспіс свісцёлак;
— сярэднявечная музыка і танцы.

*Удзел уваходзіць у кошт білета, папярэдні запіс не патрэбны. У праграме магчымы змены.

 З 10:00 да 22:00 на тэрыторыі комплекса даступны брама XIX ст., музей, рамесныя майстэрні, перавернуты дом, сярэднявечны горад, заасад, выстава рэтрааўто і Дуб жаданняў. У 12:00 і 15:00 — аглядная экскурсія па музеі гісторыі сядзібы і майстэрнях.