Батлейка «Дом с марами», 3+

БАТЛЕЙКА “ДОМ З МАРАМІ” @domzmarami

Мадэрнізаваная батлейка са святлом, гукам і сучасным стылем лялек.

Спектакль складаецца з 4-5 казак. Кожная па 8-10 хвілін. Акцёры размаўляюць і гуляюць з гледачамі паміж гісторыямі, расказваюць пра гісторыю батлейкі на Беларусі. 

Агульны час ≈ 45 хвілін

Узрост: ад +3 +∞ цікава для дзяцей і для дарослых.

ПРАГРАМА:

1. Народная казка “Коцік, пеўнік і лісічка”

Кот і певень жылі разам. Кот павінен быў ісці па справах і сказаў пеўню, каб нікому не адчыняў дзверы. Але ў лісы быў іншы план…

2. Класічная беларуская байка “Дыпламаваны баран”

Вясёлая гісторыя пра барана, які хацеў быць самым разумны. Але ен заслужыў дыплом не галавой, а лбом!

3.  Халодны чалавек

Гісторыя пра багатага, але няшчаснага чалавека, Яму было вельмі холадна і ён не ведаў, што недзе побач паратунак: абдымкі цёплага чалавека.

4. Лепшая зброя

Адзін беларускі хлопец так радаваўся жыццю, што да яго прыйшла Смерць. Яна прапанавала бітву, але лепшая зброя — ЛЮБОЎ.

5.  Мушкі ў кашулях

Цікавае тлумачэнне, чаму апошнія зімы не такія снежныя. Таму што дызайнер сняжынак у творчым крызісе. Казка пра сапраўдны цуд, які можа стварыць кожны з нас.

Прыходзьце да нас на «Хвастаты двор».