Майстар-клас «Сустракаем вясну разам», 18+

Нашы прадзеды ведалі: вясну трэба  заклікаць спевамі і карагодамі! Гэта быў магутны абрад-заклінанне, дзе кожны крок робіцца па сонейку  і кожная песня мае свой сакральны сэнс.

Карагод — гэта наш старажытны «жывы каляндар» і храналогія. Гэта не проста песня з танцам, а цэлая філасофія. Рух па колу — сімвал Сонца, цыклу жыцця, адзінства людзей з прыродай. У ім спляліся і каляндарныя святы, і родавая памяць, і магія стварэння свету.

14 сакавіка ў 12:00 у Дзяржаўным літаратурна-мемарыяльным музеі Якуба Коласа адбудзецца сапраўдная сустрэча з гэтай жывой традыцыяй!

Правядзе яе Елена Сяргеева, сертыфікаваная карагодніца, практык беларускіх абрадавых танцаў. 

На майстар-класе мы:

• Дакранемся да старажытнага абраду «клікання вясны».
• Зразумем сакральную геаметрыю кола і сімволіку рухаў.
• Вывучым аўтэнтычныя карагодныя крокі і ўзоры.
• Паспяваем традыцыйныя вясновыя песенкі-заклінаніі.
• Адчуем, як праз танец наша цела і душа ўваходзяць у рытм прабуджанай зямлі.

Гэта ўнікальная магчымасць не «паглядзець на фальклор», а самім стаць часткай тысячагадовай традыцыі, якая жыве ў нашым генетычным кодзе.

Праводзіць: Елена Сяргеева, сертыфікаваная карагодніца.

Давайце разам разбудзім вясну старажытным, магутным і прыгожым шляхам — праз карагоднае кола!