Майстар-клас «СВЯТЛО Ў ШКЛЕ: МАЛЮЕМ “ВІДЗІКІ”», 6+

СВЯТЛО Ў ШКЛЕ: МАЛЮЕМ “ВІДЗІКІ”

майстар-клас Ірыны Князевай

Адчуйце магію святла і колеру – запрашаем на творчы занятак па стварэнні “відзікаў” з мастачкай Ірынай Князевай! 

“Відзікі” – гэта від народнага дэкаратыўнага роспісу, карціны, напісаныя фарбай на шкле. 

Разам з маляванымі дыванамі, вышытымі ручнікамі і тканымі посцілкамі, “відзікі” фарміравалі цэласны ансамбль пасляваеннага вясковага інтэр’ера. Абразы, рамкі для фотаздымкаў, інтэр’ерныя карціны розных жанраў з выявамі букетаў кветак, птушак, катоў, жанчын, закаханых пар або копіі сюжэтаў вядомых карцін адлюстроўвалі ўяўленні аб прыгажосці і гармоніі жыхароў беларускіх вёсак.

Асаблівасцю “відзікаў” з’яўляецца выкарыстанне фольгі як ніжняга слою – яна прыгожа ззяе праз яркія фарбы і цёмны фон, надаючы карцінам незвычайнае “святло знутры”.

Падчас майстар-класа:

• удзельнікі пазнаёмяцца з традыцыяй і ўзорамі “відзікаў”;
• авалодаюць тэхнікай роспісу па шкле;
• створаць уласны аўтарскі “відзік” пад кіраўніцтвам мастачкі.

Абяцаем: вы знойдзеце натхненне, добры настрой і сапраўднае мастацкае задавальненне!