Свята «Гуканне вясны», 0+

«Гуканне вясны» — абрадавае дзейства, звязанае з адмыканнем і абуджэннем зямлі, набліжэннем цяпла. У розных куточках Беларусі пачыналі гукаць вясну ў свой час — падчас масленічнага тыдня ці на Саракі, з прылётам жаваронкаў ці на Дабравешчанне.

Гукалі вясну гучна, звонка і натхнёна. Дзяўчаты збіраліся разам і пачыналі спяваць “вяснянкі-заклічкі”. Верылі, што ў тым канцы вёскі, дзе распачалі спевы раней — дзяўчаты хутчэй пойдуць замуж і будуць мець лепшы ўраджай.

Запрашаем абуджаць зямлю і гукаць вясну разам у музеі пад адкрытым небам!

Вас чакае:

• Рэканструкцыя веснавых абрадаў;
• Вывучэнне веснавых песень;
• Майстар-клас па беларускім танцам і гульням;
• Майстар-клас па вырабу птушак;
• Майстар-клас па «маляванцы на шкле»;
• Майстар-клас па выцінанцы;
• Выступ фальклорных гуртоў;
• Вогнішча і карагоды!

Ваш, etna.by