Музейна-педагагічная праграма “Гуканне вясны”, 6+

Музейна-педагагічная праграма “Гуканне вясны”

“Гуканне вясны” – адзін з самых жыццярадасных і аптымістычных беларускіх звычаяў.  Карагоды, гульні, заклікальныя песні рабілі гэтае свята вясёлым і непаўторным.  Асаблівасцю вясновых песень з’яўляецца тое, што кожны куплет заканчваецца працяглым гукам «Гу-у-у-у!». Адсюль і назва – «гуканне».

У праграме – карагоды і забавы, віктарыны і майстар-клас па вырабе птушак. На экране ажыве беларускі каляндар. Адкуль пайшлі назвы месяцаў, як нашы продкі святкавалі “Гуканне вясны”, “Купалле”, “Багач”, “Каляды” даведаюцца нашы маленькія сябры. А яшчэ пачуюць вершы Янкі Купалы пра кожную пару года!

І абавязкова – спальванне пудзіла зімы Марэны! Як такое магчыма ў будынку музея? Трэба прыйсці і пабачыць!

Музейна-педагагічны занятак распрацаваны для вучняў 1-4 класаў.

Папярэдні запіс па тэл. +375293160408, +375173955766.