Свята «Шчодрык», 0+

Шчодрык або Шчодрая куцця –  вечар з 13 на 14 студзеня, калі гаспадары гатуюць другую (багатую, шчодрую) куццю, бліны з верашчакай і смажанай каўбасой, крупнік.

Шмат увагі на Шчодрык надавалі варажбе. Варажылі і дарослыя, і дзеці, а асабліва незамужнія дзяўчаты, якія хацелі даведацца, што іх чакае ў будучым годзе.

Абрад «шчадравання» вызначаўся абыходам двароў гуртом шчадроўнікаў, спевамі песень-шчадровак, услаўленнем гаспадара і гаспадыні.

Завітвайце на свята ў Беларускі дзяржаўны музей народнай архітэктуры і побыту!

Вас чакае:

• Выступ гурта «Мілавіца»;
• Паказ ценявога тэатра «Вяртэп»;
• Паказ лялечнага тэатра «Батлейка»;
• Рэканструкцыя абраду «Шчадраванне»;
• Народныя танцы і гульні;
• Варожбы з жывёламі;
• Майстар-клас па выцінанцы.

Экспазіцыя музея працуе з 10:00 да 17.00.

Каса працуе з 10:00 да 16:30.

Шаноўныя наведвальнікі!

Калі ласка, паклапаціцеся пра абутак і вопратку згодна з умовамі надвор’я.

На тэрыторыі музея адсутнічае банкамат. Для набыцця сувеніраў у рамеснікаў неабходна мець пры сабе наяўныя грошы.

Квіткі і сувеніры ў касе вы можаце набыць па безнаяўным і наяўным разліку.

Музей пакідае за сабой права адмены ці замены асобных эпізодаў мерапрыемства ў залежнасці ад умоў надвор’я.

Ваш, etna.by