Святочнае літаратурнае чаяванне, 6+

Унучка Якуба Коласа Марыя Міхайлаўна Міцкевіч, па прафесіі матэматык, выкладчык, памятае свайго славутага дзеда з дзяцінства − да 5 гадоў яна жыла ў доме, дзе зараз знаходзіцца яго музей. У дзень, калі дзядуля памёр, у маленькай Машы быў дзень нараджэння…

Што раскажа ўнучка пра любімага і шаноўнага дзеда? Які характар быў у класіка беларускай літаратуры? Якія сямейныя традыцыі захоўвае сям’я да сённяшняга дня?

Вы ўбачыце ўнікальныя фатаграфіі Якуба Коласа з унукамі, пройдзецеся па тых самых пакоях са старых фота, а ў гонар навагодніх свят даведаецеся пра зімовыя сямейныя традыцыі паэта і ўбачыце сапраўдныя цацкі з ёлкі Якуба Коласа. Усё гэта і шмат іншых сакрэтаў вам раскажа падчас унікальнай экскурсіі-чаявання ўнучка Якуба Коласа і Янкі Маўра Марыя Міцкевіч.

Папярэдні запіс па спасылцы “Купить билет» абавязковы!!!